అమెరికా అధ్యక్షుడు ట్రంప్, రష్యా అధ్యక్షుడు పుతిన్ సంబంధాలపై పలు వార్తలు ప్రచారంలో ఉన్నా తాజాగా ఒక వార్త మాత్రం వైరల్ అవుతోంది. ఇటీవల ఫిన్లాండ్‌లో ఇద్దరి మధ్య జరిగిన భేటీలో పుతిన్ అడిడాస్ కంపెనీకి చెందిన ఫుట్‌బాల్‌ను ట్రంప్‌కు బహూకరించారు. ట్రంప్‌కు పుతిన్ ఇచ్చిన బంతిలో సీక్రెట్ చిప్ ఉండొచ్చని జాగ్రత్తగా ఉండాలంటూ పలువురు సూచనలు చేసారు. మరోవైపు అడిడాస్ సంస్థ ఆ బంతిపై వివరణ ఇస్తూ 'అందులో నిజంగానే చిప్ ఉంది. స్మార్ట్ ఫోన్లకు అనుగుణంగా దాన్ని తయారు చేసాం' అని ప్రకటించింది.