అణ్వాయుధాల అభివృద్ధిని ఉత్తర కొరియా ఆపనే లేదని ఐక్యరాజ్య సమితి నిపుణుల బృందం తేల్చింది. ఆంక్షలను బేఖాతరు చేస్తూ నౌకల్లో పెట్రోలియం ఉత్పత్తులను అక్రమంగా ఎగుమతి చేస్తోందని బయట పెట్టింది. ఉత్తర కొరియా ఉల్లంఘనలపై భద్రతా మండలికి సంబంధిత కమిటీ శుక్రవారం నివేదికను సమర్పించింది. దీనిలోని వివరాల ప్రకారం ఆంక్షలు అమలులోనున్న బొగ్గు, ఉక్కు, సముద్రపు ఆహారం సహా ఇతర ఉత్పత్తులను ఎగుమతిచేస్తూ కిమ్‌ జోంగ్‌ ఉన్‌ సర్కారు మిలియన్ల డాలర్లను అక్రమంగా సంపాదిస్తోంది. ఈ ఎగుమతులు చైనా, భారత్‌ సహా భిన్న దేశాలకు వెళ్తున్నాయి.