సౌదీ అరేబియా:సౌదీలో ఓ చిన్నారి క్యాన్సర్‌తో కన్నుమూసింది. ఆ బాలిక వైద్య చికిత్స పొందుతుండగా, ఆ సమయంలో తీసిన ఫొటోల్ని, వీడియోల్ని సోషల్‌ మీడియాలో షేర్‌ చేస్తూ వుండేది. అలా ఆమె అతి తక్కువ కాలంలోనే పాపులర్‌ అయ్యింది. క్యాన్సర్‌తో పోరాడే క్రమంలో ఆమె చూపిన తెగువను అందరూ అభినందించేవారు. దురదృష్టవవాత్తూ ఆమె ఆగస్ట్‌ 8న మృతి చెందింది. దాంతో అరబ్‌ సమాజం అంతా ఆ బాలిక మృతి పట్ల ప్రగాఢ సంతాపం వ్యక్తం చేస్తోంది. ఆమె మరణం గురించిన తెలిసిన తర్వాత, ఆ విషయం సోషల్‌ మీడియాలో ట్రెండింగ్‌ అయ్యింది. సౌదీ అరేబియా, కువైట్‌ సహా పలు అరబ్‌ దేశాల్లో ఆమె మృతికి సంతాపం తెలియజేస్తున్నారు. ఈజిప్టియన్‌ కమెడియన్‌, నటుడు మొహమ్మద్‌ హెనెడీ స్పందిస్తూ, సాధారణ జ్వరానికే ఓ వ్యక్తి బెడ్‌ మీద కదల్లేని స్థితికి వెళ్ళిపోతాడనీ, అలాంటిది నవాల్‌ అల్‌ ఘామ్డి అనే ఓ బాలిక, క్యాన్సర్‌ని జయించేందుకు చాలా పోరాడిందనీ, ఎప్పుడూ ఆమె మోము మీద చిరునవ్వే కన్పించేదనీ, ఆ నవ్వు ఎప్పటికీ అలాగే మనకు గుర్తుండిపోతుందనీ అన్నారు.