బ్రిటిష్ వ్యక్తి, టర్కిష్‌ మహిళ కార్‌ డీలర్‌ని 700,000 బహ్రయిన్‌ దినార్స్‌ మొత్తానికి మోసం చేశారు. లగ్జరీ కారుని కొనుగోలు చేస్తామని చెప్పి, ఫేక్‌ క్రెడిట్‌ కార్డులతో ఈ మోసానికి నిందితులు పాల్పడ్డారు. జనరల్‌ డైరెక్టరేట్‌ ఆఫ్‌ యాంటీ కరప్షన్‌ అండ్‌ ఎకనమిక్‌ అండ్‌ ఎలక్ట్రానిక్‌ సెక్యూరిటీ ఈ కేసులో విచారణ చేపట్టింది. క్రెడిట్‌ కార్డ్‌ కంపెనీ, కార్‌ డీలర్‌ నుంచి సమాచారం అందుకుని పోలీసులకు సమాచారమిచ్చింది. క్రెడిట్‌ కార్డులు ఉపయోగించి ఖరీదైన లగ్జరీ కారుని కొనుగోలు చేసేందుకు ప్రయత్నిస్తున్నారంటూ కార్‌ డీలర్‌ తెలపడంతో పోలీసులు రంగంలోకి దిగి, నిందితుల్ని అరెస్ట్‌ చేశారు.