దివంగత నటి శ్రీదేవి మరణం నుంచి ఇంకా ఆమె కుటుంబం, అభిమానులు తేరుకోలేకపోతున్నారు. ఈ రోజు శ్రీదేవి 55వ జయంతి సందర్భంగా భర్త బోనీ కపూర్‌ ఆమె గురించి మీడియాతో మాట్లాడారు. ఆమెను ప్రతిరోజూ మిస్సవుతూనే ఉంటామని చెప్పారు. 'లెజెండ్లు ఎప్పటికీ అమరులే. వారికి చావు అనేది ఉండదు. శ్రీదేవి ప్రతి క్షణం మాతోనే ఉన్నట్లు అనిపిస్తోంది' అని వెల్లడించారు. శ్రీదేవి జయంతి సందర్భంగా ఆమెను గుర్తుచేసుకుంటూ ముంబయిలోని చాపెల్‌ రోడ్డులో బాలీవుడ్‌ ఆర్ట్‌ ప్రాజెక్ట్‌ సంస్థ 18 అడుగుల ఎత్తయిన పెయింటింగ్‌ను రూపొందించింది.