మస్కట్‌: అల్‌ నధా రోడ్డుపై స్లో లేన్‌ని ఆగస్ట్‌ 18 నుంచి ఆగస్ట్‌ 26 వరకు మూసివేస్తున్నట్లు ప్రకటించింది మస్కట్‌ మునిసిపాలిటీ. రాయల్‌ ఒమన్‌ పోలీసుల సహకారంతో, అల్‌ నహ్దా రోడ్డుపై స్లో లేన్‌ని అల్‌ హమ్రియా రౌండెబౌట్‌ నుంచి వాడి అడాయ్‌ జంక్షన్‌ వరకు మూసివేస్తున్నట్లు ఆన్‌లైన్‌లో చేసిన ప్రకటనలో వివరించింది మస్కట్‌ మునిసిపాలిటీ. ఆగస్ట్‌ 18 శనివారం సాయంత్రం నుంచి, ఆగస్ట్‌ 26 ఆదివారం వరకు ఈ రోడ్డుని మూసివేయడం జరుగుతుంది. మెయిన్‌టెనెన్స్‌ వర్క్‌ నిమిత్తం రోడ్డుని మూసివేయడం జరుగుతుందనీ, ట్రాపిక్‌ గైడ్‌ లైన్స్‌ ప్రకారం వాహనదారులు తమ వాహనాల్ని నడపాల్సి వుంటుందని అధికారులు పేర్కొన్నారు.