బాలీవుడ్ హీరోయిన్‌ సోనాలి బింద్రే క్యాన్సర్ వ్యాధికి చికిత్స తీసుకుంటున్నారు. ఈ చికిత్స క్రమంలో ఆమె జుట్టు పూర్తిగా ఊడిపోయింది.అయితే ప్రియాంకా చోప్రా సలహాతో కేశాలంకరణ నిపుణులను కలిసి విగ్గు తీసుకున్నట్లు సోనాలి తాజాగా తెలిపారు. 'అందంగా ఉండాలని ఎవరు కోరుకోరు? మనం కనిపించే విధానంపై మన మానసిక స్థితి ఆధారపడి ఉంటుంది. మనకు ఆనందాన్ని కల్గించే పనులు చేయడం చాలా ముఖ్యం.. అది సింపుల్‌గా పెట్టుకునే విగ్గు కావొచ్చు, ఎర్రగా వేసుకునే లిప్‌స్టిక్‌ కావొచ్చు' అని పేర్కొంటూ సోనాలి ఇన్‌స్టాగ్రామ్‌లో తన కొత్త లుక్ వీడియోను, ఫొటోను షేర్‌ చేశారు.