బ్రిటిష్ ఎయిర్ వేస్ వెబ్ సైట్ ను ఐటీ మోసగాళ్లు హ్యాక్ చేశారు. ఈ హ్యాకింగ్ అనేది ఒకటి, రెండు రోజులు కాదు.. ఏకంగా రెండు వారాల పాటు హ్యాక్ చేస్తూనే పోయారు. ఫలితంగా 3,80,000 మంది కార్డుల్లోని సమాచారాన్ని కొల్లగొట్టారు. ఈ విషయాన్ని బ్రిటిష్ ఎయిర్ వేస్ అథారిటీస్ అంగీకరించి ప్రయాణికులకు క్షమాపణలు తెలిపాయి.

ఆగస్టు 21 నుంచి సెప్టెంబర్ 5 వరకు తమ వెబ్ సైట్ ను మోసగాళ్లు హ్యాక్ చేశారని, ఆ సమయంలో కస్టమర్లు వాడిన డెబిట్ కార్డులు, క్రెడిట్ కార్డుల్లోని డేటా అపహరణకు గురైందని, అందుకు చింతిస్తున్నామని ఎయిర్ వేస్ అధికారులు అంగీకరించారు. ఎలాంటి నష్టం జరిగినవారైనా, ఎలాంటి కంప్లయింట్ ఉన్నా తమను సంప్రదిస్తే విచారించి న్యాయం చేస్తామన్నారు.
అయితే అప్పటికే అనుమానం వచ్చిన పలువురు కస్టమర్లు ఎయిర్ వేస్ సిబ్బందికి ఎన్నిసార్లు ఫోన్ చేసినా రిప్లయి ఇవ్వలేదని ఫిర్యాదు చేస్తున్నారు.