బ్రెజిల్‌ అధ్యక్ష ఎన్నికల్లో పోటీ చేస్తున్న అభ్యర్ధి జైర్‌ బోల్సనారో (63) గురువారం ఎన్నికల ప్రచార ర్యాలీలో కత్తి పోట్లకు గురయ్యారు. ప్రస్తుతం ఆయన పరిస్థితి విషమంగా ఉన్నా స్థిరంగానే వుందని డాక్టర్లు తెలిపారు. రాజధాని రియో డీ జెనీరోకి 200 కిలోమీటర్ల దూరంలో ఈ సంఘటన జరిగింది. మితవాద అభ్యర్ధిగా రంగంలోకి దిగిన జైర్‌కు కడుపులో అయిన గాయానికి అత్యవసరంగా ఆపరేషన్‌ చేయాల్సి వచ్చింది. పూర్తిగా కోలుకోవడానికి రెండు మాసాలు పట్టవచ్చని ఆపరేషన్‌ చేసిన డాక్టర్‌ లూయిజ్‌ తెలిపారు. దాడి చేసిన వ్యక్తిని వెంటనే అదుపులోకి తీసుకున్నారు.