బాలీవుడ్‌ నటుడు అక్షయ్‌ కుమార్‌ మాస్టర్‌ సచిన్‌ తెందుల్కర్‌కు సూదిలోకి దారం ఎక్కించాలనే ఛాలెంజ్‌ విసిరారు. బాలీవుడ్‌ నటులు అనుష్క శర్మ, వరుణ్‌ ధావన్‌ జంటగా నటించిన చిత్రం 'సుయీ ధాగా'. భారతీయ సంప్రదాయానికి ప్రతీకైన చేనేత వస్త్రాలకు ఉన్న ప్రాధాన్యతను వివరిస్తూ ఈ చిత్రాన్ని తెరకెక్కించారు. అక్షయ్‌ ఈ ఛాలెంజ్‌లో పాల్గొంటున్నప్పుడు తీసిన వీడియోను ట్విటర్‌లో పోస్ట్‌ చేశారు.'సుయీ ధాగా' ఛాలెంజ్‌ను నేను ప్రయత్నించి విఫలమయ్యాను. ఇప్పుడు ఈ ఛాలెంజ్‌లో పాల్గొనాల్సిందిగా సచిన్‌ తెందుల్కర్‌ను నామినేట్‌ చేస్తున్నాను' అని ట్వీట్‌లో పేర్కొన్నారు.