బహ్రెయిన్: ఇద్దరు సోదరులు, డ్రగ్స్‌ని స్మగ్లింగ్‌ కేసులో జైలు శిక్షను ఎదుర్కొంటున్నారు. జైలు శిక్షను సవాల్‌ చేస్తూ, ఈ ఇరువురూ చేసుకున్న అభ్యర్థనపై అక్టోబర్‌ 28న తీర్పు వెల్లడి కానుంది. ఈ కేసులో ఈ ఇద్దరికీ ఇప్పటికే ఐదు నెలల జైలు శిక్ష ఖరారయ్యింది. అన్నదమ్ముల్లో ఒకరి వయసు 34 ఏళ్ళు కాగా, మరొకరి వయసు 23 ఏళ్ళు. రెండో వ్యక్తి, జావు జైలుకి వెళ్ళి, అక్కడి ఖైదీలకు డ్రగ్స్‌ని సప్లయ్‌ చేస్తున్నట్లు విచారణలో తేలింది. నిందితుడు, తన నోట్లో డ్రగ్స్‌ ప్యాకెట్లను తీసుకెళుతున్నట్లు విచారణలో నిర్ధారించారు. 34 ఏళ్ళ నిందితుడు, బహ్రెయిన్‌లోకి కింగ్‌ ఫహాద్‌ కాజ్‌ వే ద్వారా పెద్ద యెత్తున డ్రగ్స్‌ని తరలిస్తూ పోలీసులకు చిక్కాడు.