అబుదాబీలోని ఓ బ్యాంకులో ఓ వ్యక్తి దోపిడీకి పాల్పడ్డాడు. దోపిడీకి నిందితుడు మ్యాజిక్‌ని మార్గంగా ఎంచుకున్నట్లు తెలుస్తోంది. అబుదాబీ పోలీస్‌ డిపార్ట్‌మెంట్‌ డైరెక్టర్‌ సుహైల్‌ సయీద్‌ అల్‌ ఖైలి మాట్లాడుతూ, నిందితుడ్ని ఆసియా జాతీయుడిగా గుర్తించినట్లు తెలిపారు. టెల్లర్‌ బిజీగా వున్న సమయంలో మాయ చేసి నిందితుడు డబ్బుని దొంగిలించాడు. సిసి టివి కెమెరాల్లో నిందితుడి బాగోతం బయటపడింది. నిందితుడు బ్యాంకు నుంచి మనీ ఎక్స్‌ఛేంజ్‌కి వెళ్ళి ఆ సొమ్ముని మార్చుకున్నట్లు పోలీసులు తెలిపారు. అయితే అరెస్ట్‌ చేసిన నిందితుడి వివరాల్ని పోలీసులు వెల్లడించలేదు.