వాట్సాప్‌లో మరో కొత్త ఫీచర్ యూజర్లకు అందుబాటులోకి రానుంది. ప్రివ్యూ పేరిట రానున్న ఈ ఫీచర్ ద్వారా యూజర్లు తాము వాట్సాప్ పంపుకునే ఏ మెసేజ్‌నైనా ముందుగా ప్రివ్యూ చూడవచ్చు. అవసరం అనుకుంటే అందులో మార్పులు చేర్పులు చేయవచ్చు. అంతేకాకుండా ఒకరికన్నా ఎక్కువ మందికి ఆ మెసేజ్‌ను పంపేటట్లయితే ఆ జాబితాలోంచి యూజర్లను తీసేయవచ్చు లేదా మరికొందరికి యాడ్ చేయవచ్చు. ఇక ఫొటోలు, వీడియోలు, జిఫ్ ఇమేజ్‌లు, టెక్ట్స్ సందేశాలు... ఇలా ఏ తరహా మెసేజ్‌నైనా పంపేముందు ప్రివ్యూ చూసుకునే అవకాశాన్ని వాట్సాప్ కల్పించనుంది.