మస్కట్‌: రువీలో ఓ వ్యక్తిని ఫ్రాడ్‌ మరియు వేధింపుల కేసులో అరెస్ట్‌ చేసినట్లు రాయల్‌ ఒమన్‌ పోలీస్‌ వెల్లడించారు. మనీ లాండరింగ్‌, వేధింపుల కేసుల్ని నిందితుడిపై నమోదు చేసినట్లు అధికారులు తెలిపారు. అరెస్ట్‌ చేసిన వ్యక్తిని ఆఫ్రియన్‌ జాతీయుడిగా పోలీసులు గుర్తించారు. డబ్బుని రెట్టింపు చేస్తానంటూ ఓ మహిళను నిందితుడు మోసం చేశాడు. నిందితుడి మోసాన్ని గుర్తించి, బాధితురాలు నిలదీయడంతో ఆమెను నిందితుడు వేధించినట్లు పోలీసులు తెలిపారు. నిందితుడి నుంచి కొన్ని రకాలైన కెమికల్స్‌నీ అధికారులు స్వాధీనం చేసుకోవడం జరిగింది.