వేగంగా వెళుతున్న కారు, ముందున్న వాహనాన్ని ఢీ కొట్టి, కాస్సేపు గాల్లోకి లేచింది. దీనికి సంబంధించిన ఓ వీడియో, సోషల్‌ మీడియాలో వైరల్‌గా మారింది. అబుదాబీ పోలీసులు పోస్ట్‌ చేసిన వీడియో ఇది. 'యువర్‌ కామెంట్‌' హ్యాష్‌ ట్యాగ్‌తో ఈ వీడియోని అబుదాబీ పోలీసులు పోస్ట్‌ చేయడం వెనుక, రోడ్లపై ప్రజలు అప్రమత్తంగా వుండాలనే మంచి ఆలోచన వుంది. 'యువర్‌ కామెంట్‌' ఇనీషియేటివ్‌ ద్వారా ఇప్పటికే పోలీస్‌ పలు వీడియోల్ని పోస్ట్‌ చేశారు. వీటిని చూసి వాహనాలు నడిపేవారిలో కొంత అప్రమత్తత వస్తోందని అధికారులు అంటున్నారు. పోలీసులు పనిచేసేది ప్రజల కోసమే గనుక, వారు సైతం సమాజంలో బాధ్యతగా వ్యవహరించాలనీ, రోడ్లపై వాహనాలు నడిపేటప్పుడు అప్రమత్తంగా, జాగ్రత్తగా వుండాలని అధికారులు సూచించారు.