యూ.ఏ.ఈ:ఆసియాకి చెందిన కార్మికుడొకరు మ్యాన్‌ హోల్‌లో సీవేజ్‌ పనుల కోసం దిగి, ప్రాణాలు కోల్పోగా.. అతని సహచర కార్మికుడు అదృష్టవశాత్తూ ప్రాణాలతో బయటపడ్డాడు. ఘటన గురించిన సమాచారం అందుకోగానే అంబులెన్స్‌లు, సివిల్‌ డిఫెన్స్‌ అధికారులు, పారామెడిక్స్‌, రెస్క్యూ టీమ్స్‌ సంఘటనా స్థలానికి చేరుకున్నాయి. జజిరాత్‌ అల్‌ హమ్రాలో ఈ ఘటన చోటు చేసుకుంది. హుటాహుటిన రెస్క్యూ టీమ్స్‌ మ్యాన్‌ హోల్‌ నుంచి ఇద్దరు వ్యక్తుల్ని బయటకు తీయగా, అందులో ఒకరు అప్పటికే ప్రాణాలు కోల్పోయారు. గాయపడ్డ వర్కర్‌ని హుటాహుటిన ఆసుపత్రికి తరలించారు.