అబుదాబీ పోలీస్‌ ఎయిర్‌ వింగ్‌, ఆసియాకి చెందిన ఓ వ్యక్తిని ఎయిర్‌ లిఫ్ట్‌ చేసి, ఆసుపత్రికి తరలించడం జరిగింది. ఓ రోడ్డు ప్రమాదంలో గాయపడ్డ వ్యక్తికి తక్షణ వైద్య సహాయం అవసరమవడంతో ఎయిర్‌ లిఫ్ట్‌ చేసినట్లు అధికారులు పేర్కొన్నారు. ఈ ఘటనలో మరో వ్యక్తి గాయపడగా, అతనికి అత్యవసర వైద్య చికిత్స చేసి ఆసుపత్రికి తరలించారు. లైట్‌ బస్‌ ఒకటి, హెవీ ట్రక్‌ని ఢీకొనడంతో ఈ ప్రమాదం చోటు చేసుకుంది. అల్‌ అజ్బాన్‌ బ్రిడ్జికి సమీపంలో ఈ ప్రమాదం జరిగినట్లు అధికారులు తెలిపారు. అల్‌ రహ్బా ఆసుపత్రిలో బాధితులకు వైద్య చికిత్స అందిస్తున్నారు. అబుదాబీ పోలీస్‌ - ట్రాఫిక్‌ అండ్‌ పెట్రోల్స్‌ డైరెక్టరేట్‌ డైరెక్టర్‌ - ట్రాఫిక్‌ డిపార్ట్‌మెంట్‌ బ్రిగేడియర్‌ సలెమ్‌ బిన్‌ బ్రాక్‌ అల్‌ దహెరి మాట్లాడుతూ, రాంగ్‌ యూ టర్న్‌ కారణంగానే ఈ ప్రమాదం జరిగినట్లు ప్రాథమిక విచారణలో తేలిందని చెప్పారు.