దుబాయ్:ఎమిరేట్స్‌కి చెందిన బోయింగ్‌ 777 - 300 ఆర్‌ విమానాన్ని, 100 మీటర్ల మేర లాగి దుబాయ్‌ పోలీస్‌ విమెన్‌ తమ సత్తా చాటారు. ఈ ఘనత సాధించడం ద్వారా పోలీస్‌ విమెన్‌ గిన్నీస్‌ రికార్డ్‌ని సొంతం చేసుకున్నారు. దుబాయ్‌ ఫిట్‌నెస్‌ ఛాలెంజ్‌లో భాగంగా ఈ ఫీట్‌ని చేపట్టారు దుబాయ్‌ పోలీస్‌కి చెందిన మహిళలు. దుబాయ్‌ పోలీస్‌ కమాండర్‌ ఇన్‌ చీఫ్‌ మేజర్‌ జనరల్‌ అబ్దుల్లా ఖలీఫా అల్‌ మర్రి, బోయింగ్‌ 777 విమానాన్ని లాగిన మహిళా పోలీసుల్ని అభినందించారు. ఈ కార్యక్రమానికి పలువురు ఉన్నతాధికారులు, ప్రముఖులు హాజరయ్యారు. దుబాయ్‌ ఫిట్‌నెస్‌ ఛాలెంజ్‌ పట్ల ప్రజల్లో మరింత అవగాహన పెంచేందుకు ఇలాంటి కార్యక్రమాలు ఉపయోగపడ్తాయని పలువురు వక్తలు అభిప్రాయపడ్డారు.