దుబాయ్‌ బీచ్‌ క్లబ్‌ జీరో గ్రావిటీ, సోషల్‌ మీడియాలో హల్‌చల్‌ చేస్తున్న వల్గర్‌ వీడియోపై ఆవేదన వ్యక్తం చేస్తూ, క్షమాపణ చెప్పింది. జీరో గ్రావిటీ ఎట్టి పరిస్థితుల్లోనూ ఇలాంటి అభ్యంతరకర, అసభ్యకరమైన పనుల్ని ప్రోత్సహించబోదనీ, నిబంధనలకు అనుగుణంగా జీరో గ్రావిటీలో కార్యక్రమాలుంటాయనీ, ఓ వ్యక్తి చేసిన దుశ్చర్య కారణంగా తాము చింతిస్తున్నామనీ, ఇంకోసారి ఇలాంటి ఘటనలు రిపీట్‌ కాకుండా జాగ్రత్తలు తీసుకుంటామని ఆ క్షమాపణ ప్రకటనలో పేర్కొంది దుబాయ్‌ బీచ్‌ క్లబ్‌ జీరో గ్రావిటీ. భద్రత, పరిశుభ్రత విషయంలో రాజీ పడే ప్రసక్తే లేదని తెలిపిన బీచ్‌ క్లబ్‌, ఆ ఘటన జరిగిన వెంటనే ఆ వ్యక్తిని గుర్తించి, క్లబ్‌ నుంచి బయటకు పంపామనీ, అతనిపై శాశ్వతంగా బహిష్కరణ వేటు వేశామని బీచ్‌ క్లబ్‌ తన ప్రకటనలో వివరించింది.