ఖతార్‌ పెట్రోలియం (క్యుపి), ఖతార్‌ ఎలక్ట్రిసిటీ అండ్‌ వాటర్‌ కంపెనీ (క్యుఇడబ్ల్యుసి) సంయుక్తంగా విద్యుత్‌ ఉత్పాదకతను ప్రారంభించనున్నాయి సోలార్‌ పవర్‌ ద్వారా. ఇందులో క్యుపి 40 శాతం కలిగి ఉంటుంది. క్యుఇడబ్ల్యుసి 60 శాతం వాటా కలిగి ఉంటుంది. క్యుపి ప్రెసిడెంట్‌ సాద్‌ షెరిదా అల్‌ కాబి, క్యుఇడబ్ల్యుసి మేనేజింగ్‌ డైరెక్టర్‌ ఫహాద్‌ హమాద్‌ అల్‌ మొమానది 'ఎంఓయు'పై సంతకం చేశారు ప్రైమ్‌ మినిస్టర్‌ షేక్‌ అబ్దుల్లా బిన్‌ నాజర్‌ బిన్‌ ఖలీఫా అల్‌ థని సమక్షంలో. కాలుష్యం లేకుండా, సౌర శక్తి ద్వారా విద్యుత్‌ని తయారు చేసే ఈ విధానం, ఖతార్‌ నేషనల్‌ విజన్‌ 2030లో భాగంగా రూపొందుతుందనీ, దేశంలోనే ప్రతిష్టాత్మక ప్రాజెక్టు అవుతుందని షేక్‌ అబ్దుల్లా చెప్పారు. క్యుఇడబ్ల్యుసి, ఇతర సంస్థలతో కలిసి 8,600 మెగావాట్ల నుంచి 11 వేల మెగా వాట్ల విద్యుత్‌ ఉత్పత్తిని 2018 నాటికి సాధించే లక్ష్యంతో దూసుకుపోతుందని ఆ సంస్థ ప్రతినిథులు వివరించారు.