థైరాయిడ్ రావటానికి గల కారణం
- January 12, 2019ఇటీవల కాలంలో బి.పి, షుగర్ వ్యాధుల లాగానే థైరాయిడ్ సమస్యతో చాలామంది బాధపడుతున్నారు. వయసుతో సంబంధం లేకుండా చిన్నపిల్లల్లో కూడా ఈ సమస్య కనిపిస్తుంది. ఈ సమస్య రావడానికి గల ప్రధాన కారణం మనం తీసుకునే ఆహారంలో సరైన పోషకాలు లేకపోవడమే. అసలు ఈ థైరాయిడ్ ఎందుకు వస్తుంది...?
సరియైన ఆహారం తీసుకోకపోవడం, హార్మోన్లు సరిగా పనిచేయకపోవడం వల్ల వస్తుంది. అందుకని మందులతో కంట్రోల్ అవుతుంది అనుకోవడం తప్పు. మందులతో పాటు సరియైన ఆహారం తీసుకోవడం వల్ల ఈ సమస్యను నియంత్రించవచ్చు. మన ఆహారపు అలవాట్లను మార్చుకోగలిగితే మందుల ప్రభావం త్వరగా కలిగి థైరాయిడ్ సమస్య నుండి బయటపడే అవకాశం ఉంటుంది. అదెలాగో చూద్దాం.
థైరాయిడ్ గ్లాండ్ అనేది మెడ భాగంలో ఉంటుంది. థైరాక్సిన్ అనే హార్మోన్ శరీరంలోని జీవక్రియ రేటును కంట్రోల్ చేస్తుంది. థైరాయిడ్లో రెండు రకాలు ఉంటాయి. 1. హైపో 2. హైపర్ థైరాయిడ్.
హైపో థైరాయిడ్ - ఇది శరీరానికి తగినంత థైరాయిడ్ హార్మోన్లను విడుదల చేయదు. అందువల్ల శరీరంలో జీవక్రియ రేటు తగ్గిపోతుంది. మీరు ఏది తిన్నా కూడా త్వరగా ఎనర్జీలా మారదు. కాబట్టి బరువు త్వరగా పెరిగిపోతారు. ఎప్పుడూ అలసట నీరసంగా ఉంటుంది. ఈ సమస్య ఉన్నవారు ఎలాంటి ఆహారం తీసుకోవాలో చూద్దాం.
అవిసె గింజలు.. వీటిలో ఒమేగా-3 ప్యాటీ యాసిడ్లు ఎక్కువగా ఉంటాయి. ఇవి థైరాయిడ్ పని తీరును మెరుగుపరుస్తాయి. థైరాక్సిన్ కావల్సినంత మాత్రమే ఉత్పత్తి అయ్యేలా చేస్తాయి. నిత్యం అవిసె గింజలను, లేదా పొడిని ఏదా ఒక రూపంలో ఒక టేబుల్ స్పూన్ మోతాదులో తీసుకోవడం వల్ల మంచి ఫలితం కనిపిస్తుంది.
హైఫర్ థైరాయిడ్.. ఈ సమస్య ఉన్నవారు బరువు తగ్గిపోతుంటారు. నీరసంగా ఉండటం, నిద్ర పట్టకపోవడం లాంటి వాటితో బాధపడుతుంటారు.
ఉప్పు... మనం రోజూ తీసుకునే ఉప్పులో అయోడిన్ ఉంటుంది. అయితే ఉప్పును అవసరమైన దానికంటే ఎక్కువ తీసుకుంటే థైరాక్సిన్ను ఎక్కువ ఉత్పత్తి చేసి హైపర్ థైరాయిడ్ కలిగేలా చేస్తుంది. ఈ సమస్య ఉన్నవారు రోజుకి 5 గ్రాముల ఉప్పుని మాత్రమే తీసుకోవాలి.
వాల్నట్స్... వీటిలో మెగ్నీషియం పుష్కలంగా ఉంటుంది. అది థైరాయిడ్ గ్రంధి పనితీరును మెరుగుపరుస్తుంది. దీంతో థైరాక్సిన్ అవసరమున్నంత మేర శరీరానికి అంది థైరాయిడ్ సమస్య నుండి ఉపశమనం పొందవచ్చు. అల్లం... థైరాయిడ్ సమస్య ఉన్నవారు అల్లాన్ని తమ ఆహారంలో భాగంగా చేసుకోవాలి. నిత్యం ఉదయాన్నే పరగడుపున ఒక స్పూన్ అల్లం రసం తేనెతో సేవించాలి. దీంతో థైరాయిడ్ గ్రంధి పనితీరు మెరుగుపడుతుంది.
హైఫో థైరాయిడ్ ఉన్నవారు పచ్చి కూరగాయలను తక్కువగా తింటే మేలు. దీంట్లో ఉండే జియోట్రెజిన్ మంచిది కాదు. క్యాబేజి, కాలీప్లవర్, బ్రకోలి, ముల్లంగి లాంటివి తక్కువగా తింటే మంచిది. వీరు పాలతో చేసిన పదార్దాలు తక్కువగా తీసుకుంటే మంచిది. థైరాయిడ్ సమస్య ఉన్నవారు మందులు, ఆహారంలో మార్పులతో పాటు వ్యాయామం కూడా చేస్తుండాలి.
తాజా వార్తలు
- రిజర్వేషన్లు రద్దుకోసం మోదీ ప్రయత్నం చేస్తున్నారు: సీఎం రేవంత్
- నామినేషన్ దాఖలు చేసిన సీఎం జగన్
- మే 14 నుంచి సౌదీ-యూకే ఎక్స్పో
- ‘క్షమాపణ డిక్రీ’పై మానవ హక్కుల సంఘాల ప్రశంసలు
- కీలక దశలోకి యూఏఈ-ఒమన్ రైల్వేలైన్..!
- యువ రైతులకు ప్రేరణగా యూఏఈ మొదటి మహిళా రైతు..!
- సోషల్ మీడియాలో పోస్ట్..బ్లాగర్కు ఐదేళ్ల జైలుశిక్ష
- మెసాయిద్లో అంతర్జాతీయ స్థాయి పబ్లిక్ పార్క్ ప్రారంభం
- పాట్నాలోని ఓ హోటల్లో భారీ అగ్నిప్రమాదం..6 గురు మృతి..
- నాలుగో విడత ఎన్నికలు..ముగిసిన నామినేషన్ల గడువు