నవ్యాంధ్ర రాజధాని అమరావతి మాస్టర్‌ప్లాన్‌ నోటిఫికేషన్‌ను సీఆర్డీఏ అధికారులు శనివారం విడుదల చేశారు. సీఆర్డీఏ వెబ్‌సైట్‌లో అమరావతి మాస్టర్‌ప్లాన్‌ను పొందుపరిచారు. మాస్టర్‌ప్లాన్‌ నోటిఫికేషన్‌‌పై ఏవైనా అభ్యంతరాలు ఉంటే జనవరి 31లోగా సూచనలు చేయాలని సీఆర్డీఏ అధికారులు ఆ నోటిఫికేషన్‌లో పేర్కొన్నారు. ఈ మాస్టర్‌ప్లాన్‌లో 9 నగరాల ఏర్పాటు, రహదారులు, మౌలిక వసతుల కల్పన, రైతులకు ఇచ్చే ప్లాట్ల వివరాలు పొందుపరిచారు. కాగా, ముఖ్యమంత్రి చంద్రబాబు సూచనల మేరకు మాస్టర్‌ప్లాన్‌లో అధికారులు కొన్ని మార్పులు చేసినట్లు తెలిసింది. అన్ని సీఆర్డీఏ ఆఫీసుల్లో మాస్టర్‌ప్లాన్‌ ప్రతులు లభ్యమవుతున్నట్లు వెల్లడించారు.