మస్కట్‌: హ్యూమన్‌ ట్రాఫికింగ్‌కి పాల్పడుతున్న నేరానికిగాను పలువురు వలసదారులకు న్యాయస్థానం జైలు శిక్ష విధించింది. నిందితులు, ఓ వలస మహిళను కొట్టి ఆమెతో వ్యభిచారం చేయించేందుకు ప్రయత్నించినట్లు పబ్లిక్‌ ప్రాసిక్యూషన్‌ వెల్లడించింది. క్రిమినల్‌ కోర్ట్‌ ఆఫ్‌ సలాలా, నిందితులకు పదేళ్ళ జైలు శిక్ష ఖరారు చేయడంతోపాటు, ఒక్కొక్కరికి 5,000 ఒమన్‌ రియాల్స్‌ జరీమానా విధించినట్లు తెలిపారు అధికారులు. డబ్బు సంపాదన కోసమే నిందితులు ఈ మార్గం ఎంచుకున్నారనీ, ఈ క్రమంలో ఓ మహిళను తీవ్రంగా నిందితులు హింసించారనీ పబ్లిక్‌ ప్రాసిక్యూషన్‌ తెలిపింది.