రియో: బ్రెజిల్‌లో ఘోర అగ్ని ప్రమాదం జరిగింది. రియో డిజానరోలో ఉన్న ఓ ట్రైనింగ్ కాంప్లెక్స్‌లో ఈ ఘటన జరిగింది. ఫ్లెమింగో సాకర్ టీమ్ అక్కడ ఉంటోంది. అయితే ఈ ప్రమాదంలో 10 మంది మరణించినట్లు అగ్ని మాపక సిబ్బంది వెల్లడించారు. మరో ముగ్గురు గాయపడ్డారు. ఉదయం 5 గంటలకు మొదలైన మంటలు ఆరున్నర వరకు చెలరేగాయి. అగ్ని ప్రమాదంలో మృతిచెందిన వారంతా యూత్ టీమ్ సభ్యులే అని తెలిపారు. చనిపోయినవారిలో అయిదుగురు 14 ఏళ్ల లోపే ఉన్నారు. ప్లేయర్లు ఉండే రూమ్‌లోనే అగ్ని ప్రమాదం జరిగింది.