విజయ్ హీరోగా వచ్చిన సర్కార్ సంచలన విజయాన్ని సాధించింది. విజయ్ కెరియర్లోనే చెప్పుకోదగిన చిత్రంగా నిలిచింది. దాంతో ఆ తరువాత చేసే సినిమా ఆ స్థాయిదై ఉండాలనే ఉద్దేశంతో, దర్శకుడు అట్లీ కుమార్ కి విజయ్ ఛాన్స్ ఇచ్చాడు. గతంలో అట్లీ కుమార్ దర్శకత్వంలో విజయ్ చేసిన తెరి మెర్సల్ చిత్రాలు భారీ విజయాలను సొంతం చేసుకున్నాయి.

ఈ నేపథ్యంలో ఈ ఇద్దరి కాంబినేషన్లో ఓ సినిమా సెట్స్ పైకి వెళ్లింది. ఈ సినిమాలో మైఖేల్ అనే పాత్రలో విజయ్ కనిపిస్తాడట. అందువలన ఈ సినిమాకి మైఖేల్ అనే టైటిల్ ను పరిశీలిస్తున్నట్టు, దాదాపు దీనినే ఖరారు చేయనున్నట్టు టాక్ వినిపిస్తోంది. ఈ సినిమాలో కథానాయికగా నయనతార నటిస్తోంది. ఏజిఎస్ ఎంటర్టైన్ మెంట్స్ బ్యానర్ పై నిర్మితమవుతోన్న ఈ సినిమాకి, ఏఆర్ రెహ్మాన్ సంగీతాన్ని సమకూర్చుతున్నాడు.