ఈ ఏడాది రమదాన్‌ (రంజాన్‌) ఓ ప్రత్యేకతతో యూఏఈ వాసులకు సంబరాల్ని తీసుకురానుంది. నాలుగేళ్ళ తర్వాత తొలిసారిగా ఈ ఏడాది 15 గంటల లోపు మాత్రమే యూఏఈ వాసులు రమదాన్‌ మాసంలో ఫాస్టింగ్‌ చేయవలసి వుంటుంది. అరబ్‌ యూనియన్‌ ఫర్‌ స్పేస్‌ అండ్‌ ఆస్ట్రానమీ సైన్సెస్‌ మెంబర్‌ ఇబ్రహీమమ్‌ అల్‌ జర్వాన్‌ ఈ విషయాన్ని వెల్లడించారు. మే 5 ఉదయం 2.6 నిమిషాలకు రమదాన్‌ క్రిసెంట్‌ ఏర్పడుతుంది. సన్‌ సెట్‌ తర్వాత 30 నిమిషాలు ఇది కనిపిస్తుంది. రోజువారీ ఫాస్టింగ్‌ సమయం 13 గంటల 10 నిమిషాల నుంచి 13 గంటల 40 నిమిషాల వరకు వుండొచ్చు. ఉష్ణోగ్రతల విషయానికొస్తే 23 డిగ్రీల సెల్సియస్‌ నుంచి 41 డిగ్రీల వరకు వుంటుందని అంచనా వేస్తున్నారు. హ్యుమిడిటీ లెవల్స్‌ 22 నుంచి75 శాతం వరకు వుంటుందని అంచనా. మే 6 నుంచి రమదాన్‌ మాసం ప్రారంభమవుతుంది.