లోవర్‌ క్రిమినల్‌ కోర్టు, ఓ క్రాస్‌ డ్రస్సర్‌కి రెండేళ్ళ జైలు శిక్ష విధించింది. ఇమ్మోరల్‌ యాక్ట్స్‌కి పాల్పడటం, ప్రాసిక్యూషన్‌ నిర్వహిస్తుండడం, సోషల్‌ మీడియాని దుర్వినియోగం చేయడం, సెక్సువల్‌ సర్వీసెస్‌ని ప్రమోట్‌ చేయడం వంటి అభియోగాలు నిందితుడిపై మోపబడ్డాయి. ఓ బహ్రెయినీ వ్యక్తి ఫిర్యాదుతో కేసు నమోదు చేసిన పోలీసులు విచారణ చేపట్టి, నిందితుడ్ని అదుపులోకి తీసుకున్నారు. విచారణలో నిందితుడు, తాను గతంలో ఇలాంటి పలు నేరాలకు పాల్పడినట్లు వెల్లడించాడు. 2014లో ఆరు నెలల జైలు శిక్ష కూడా అనుభవించానని అతను పేర్కొన్నాడు. జైలు నుంచి విడుదలయ్యాక పలు రకాలైన సర్జరీలు చేయించుకుని, మహిళలా మారినట్లు నిందితుడు అంగీకరించాడు. సెక్సువల్‌ ఇంటర్‌కోర్స్‌లకు పాల్పడటం ద్వారా 100 నుంచి 1000 బహ్రెయినీ దినార్స్‌ వరకూ సంపాదిస్తున్నట్లు చెప్పాడతడు.