ఎన్టీఆర్ కి అవమానాలు కొత్తేమీ కాదు. సినీ, రాజకీయ జీవితంలో ఎన్నో అవమానాలని ఎదుర్కొన్నారు. వెన్నుపోటుకు గురయ్యాడు. ఆ వెన్నుపోటు పొడిచింది.. నాదేండ్ల భాస్కర్ రావు అని కొందరు. కాదు.. సొంత అల్లుడు అని మరికొందరు చెప్పుకొంటుంటారు. ఐతే, తాజాగా, ఎన్ టీఆర్ కి తెరపై ఘోర అవమానం ఎదురైందని చెప్పవచ్చు. ఆయన బయోపిక్ గా వచ్చిన ఎన్టీఆర్-కథానాయకుడు, ఎన్ టీఆర్ మహానాయకుడు బిగ్గెస్ట్ ప్లాపులుగా తేలాయి.

ఇటీవలే ప్రేక్షకుల ముందుకొచ్చిన ఎన్ టీఆర్ మహానాయకుడు పరిస్థితి మరీ దారుణం. కొన్ని ఏరియాల్లో ఈ చిత్రానికి కనీసం థియేటర్ల అద్దె కూడా వెళ్లడం లేదని తెలుస్తోంది. మొదటి భాగం 'ఎన్టీఆర్-కథానాయకుడు' వసూలు చేసిన దాంట్లో సగం కూడా వసూలయ్యే పరిస్థితి కనిపించడం లేదు. ప్రపంచ వ్యాప్తంగా మాహానాయకుడు మూడు రోజుల్లో కేవలం రూ. 3.40 కోట్ల షేర్ రాబట్టినట్లు తెలుస్తోంది.