డిపార్ట్‌మెంట్‌ ఆఫ్‌ ట్రాన్స్‌పోర్ట్‌ - ఇంటిగ్రేటెడ్‌ ట్రాన్స్‌పోర్ట్‌ సెంటర్‌ సంయుక్తంగా ప్రత్యేక బస్‌ సర్వీసుల్ని అల్‌ మక్తా రెసిడెంట్స్‌ కోసం అందుబాటులోకి తెచ్చింది. ఈ బస్సుల్లో అల్‌ మక్తా రెసిడెంట్స్‌ ఉచితంగా ప్రయాణించే వీలుంది. అల్‌ మక్తా సర్వీస్‌ రెండు రూట్లలో ప్రయాణిస్తుంది. ఒకటి అల్‌ ఖోర్‌ స్ట్రీట్‌ నుంచి డిఓటి హెడ్‌ క్వార్టర్స్‌ వైపు, రెండు రూట్‌ అల్‌ ఖోర్‌ స్ట్రీట్‌ నుంచి డివోటి హెడ్‌ క్వార్టర్స్‌ వైపు 22 రోడ్డు బస్‌ స్టాప్‌కి వెళుతుంది. పీక్‌ అవర్స్‌లో ప్రతి 15 నిమిషాలకు, రెగ్యులర్‌ అవర్స్‌లో ప్రతి 30 నిమిషాలకు ఈ బస్‌లు అందుబాటులో వుంటాయి. ఉదయం 6.30 నిమిషాల నుంచి రాత్రి 8 గంటల వరకు బస్‌ సర్వీసుల్ని వినియోగించుకునే వీలుంది.