ఎటిసలాట్‌ అల్ట్రా హెచ్‌డి 4కె ఐపిటివి సర్వీసుల్ని మిడిల్‌ ఈస్ట్‌ మరియు ఆఫ్రికాలో ప్రవేశపెట్టనున్నట్లు వెల్లడించింది. యూఏఈలో ఈ సర్వీసులు 2016 తొలి క్వార్టర్‌లో ఎటిసలాట్‌ ఇలైఫ్‌ వినియోగదారులకు అందుబాటులోకి రానుంది. ఎటిసలాట్‌ ఇలైఫ్‌ వినియోగదారులు 4కె లీనియర్‌ ఛానల్‌ మరియు వీడియో ఆన్‌ డిమాండ్‌ సర్వీస్‌లను ఎటిసలాట్‌ కొత్త 4కె సెట్‌టాప్‌ బాక్స్‌ల ద్వారా పొందవచ్చు. ఫుల్‌ హెచ్‌డిని మించిన అద్భుతమైన క్వాలిటీతో తమ ప్రసారాలు ఉంటాయని ఎటిసలాట్‌ వెల్లడించింది. 4కె టెక్నాలజీ ద్వారా రంగులు మరింత ఆకర్షణీయంగా, సహజంగా ఉంటాయని చెబుతున్నారు సంస్థ ప్రతినిథులు. హువావి, ఎటిసలాట్‌ సంయుక్తంగా ఈ కొత్త సర్వీసుల్ని వినియోగదారులకు అందించనున్నాయి. సాంకేతిక రంగంలో తమ సహకారం వినియోగదారులకు అత్యున్నతమైన సేవలను అందించనున్నట్లు ఇరు సంస్థల ప్రతినిథులూ చెప్పారు.