బహ్రెయిన్:మానసిక సమస్యలతో బాధపడుతున్న ఓ వ్యక్తి, హెల్త్‌ సెంటర్‌ స్టాఫ్‌ మెంబర్‌పై దాడికి దిగిన ఘటన హూరా హెల్త్‌ సెంటర్‌లో జరిగింది. ఈ ఘటనతో హెల్త్‌ సెంటర్‌ని తాత్కాలికంగా మూసివేశారు. నిందితుడు, హెల్త్‌ సెంటర్‌లోని విలువైన ఎక్విప్‌మెంట్‌ని ధ్వంసం చేయడం జరిగింది. రిసెప్షన్‌ ఏరియాకి వెళుతూనే ఆగ్రహావేశాలతో ఊగిపోయిన నిందితుడు, అక్కడున్న వస్తువుల్ని ధ్వంసం చేయడం మొదలు పెట్టాడనీ, ఆ తర్వాత స్టాఫ్‌ మీద దాడికి దిగాడని తెలుస్తోంది. సెక్యూరిటీ సిబ్బంది నిందితుడ్ని నిలువరించేందుకు ప్రయత్నించినా ఉపయోగం లేకుండా పోయింది. మినిస్ట్రీ ఆఫ్‌ ఇంటీరియర్‌ నుంచి అధికారులు అక్కడికి చేరుకుని, పరిస్థితిని అదుపులోకి తెచ్చారు. నిందితుడైన మానసిక రోగిని సైకియాట్రిక్‌ హాస్పిటల్‌కి తరలించారు.