యూఏఈ:అండర్‌ 19 వరల్డ్‌ కప్‌ పోటీల్లో రెండో సారి తన బెర్త్‌ని ఖాయం చేసుకుంది యూఏఈ. వచ్చే ఏడాది జరగనున్న ఈ పోటీల కోసం ఇటీవల జరిగిన ఐసీసీ ఆసియా డివిజన్‌ 1 క్వాలిఫయర్స్‌లో అద్భుతమైన ప్రదర్శన చేసి, ముందడుగు వేసింది. ఆర్యన్‌ లక్రా నేతృత్వంలో యూఏఈ, 10 వికెట్ల తేడాతో ఘనవిజయం సాధించింది. వచ్చే ఏడాది జనవరి, ఫిబ్రవరిల్లో సౌతాఫ్రికాలో జరిగే పోటీల్లో యూఏఈ పాల్గొననుంది. 2014 ఎడిషన్‌ అండర్‌ 19 పోటీల్లో తొలిసారిగా యూఏఈ అడుగు పెట్టిన సంగతి తెల్సిందే. మలేసియాపై తొలి విజయంతో తన జర్నీని ప్రారంభించి నేపాల్‌పైనా విజయం సాధించింది యూఏఈ క్వాలిఫైయింగ్‌ మ్యాచ్‌లలో. కువైట్‌, సింగపూర్‌లపైనా ఘనవిజయాల్ని అందుకున్న యూఏఈ, అండర్‌ 19 పోటీలకు అర్హత సాధించింది.