రువిలోనిఓ ప్రముఖ బేకరీని మస్కట్‌ మున్సిపాలిటీ అథికారులు మూసివేశారు. ట్విట్టర్‌లో ఈ విషయాన్ని అధికారులు ధృవీకరించారు. బేకరీలో ఎలుకలు కన్పించాయనీ, అపరిశుభ్రత, వినియోగదారుల ఆరోగ్యానికి హాని కల్గించే పరిసరాలు ఉండటం ఇవన్నీ బేకరీ మూసివేతకు కారణాలుగా అధికారులు చెబుతున్నారు. అయితే ఆ బేకరీకి తాను రెగ్యులర్‌ విజిటర్‌ననీ బేకరీ మూసివేత తనకు ఆశ్చర్యం కలిగించిందని ఓ వినియోగదారుడు చెప్పాడు. ప్రజారోగ్యం విషయంలో మున్సిపాలిటీ అధికారులు రాజీ పడకుండా, ఆకస్మిక తనిఖీలు నిర్వహిస్తున్నారు ఆహారాన్ని తయారుచేసే దుకాణాలపై. ఇబ్రి మున్సిపాలిటీ గతంలో 42 కమర్షియల్‌ షాప్స్‌పై దాడి చేసి, 3000 కిలోల పాడైపోయిన ఆహార పదార్థాల్ని నాశనం చేశాయి. గ్రోసరీ మార్కెట్స్‌, బేకరీలపై ఆకస్మిక తనిఖీలు కొనసాగుతాయని అధికారులు చెప్పారు. మస్కట్‌ మున్సిపాలిటీ అధికారులు 125 రెస్టారెంట్లపై ఇటీవల దాడులు చేయగా, అందులో 53 రెస్టారెంట్లు నిబంధనల్ని ఉల్లంఘించి అపరిశుభ్ర వాతావరణంలో ఆహార పదార్థాల్ని తయారు చేస్తున్నట్లు గుర్తించారు.