యూఏఈలో వాతావరణానికి సంబంధించి నేషనల్‌ సెంటర్‌ ఫర్‌ మిటియరాలజీ (ఎన్‌సిఎం) పలు వివరాల్ని వెల్లడించింది. హ్యుమిడిటీ రాత్రి వేళల్లో ఎక్కువగా వుంటుందనీ, తాజా గాలుల ప్రభావంతో డస్ట్‌ ఎక్కువగా వుండొచ్చని పేర్కొంది. గాలుల వేగం సాధారణంగా వుంటుంది. సముద్ర తీరంలో కెరటాలు 4 నుంచి 6 అడుగుల ఎత్తు వరకు ఎగసి పడొచ్చు. అత్యధికంగా 7 అడుగుల మేర కెరటాలు ఎగసిపడే అవకాశముందని, అరేబియన్‌ గల్ఫ్‌ మరియు ఒమన్‌ తీర ప్రాంతాల్లో సముద్రం కొంత రఫ్‌గా వుండొచ్చని పేర్కొంది ఎన్‌సిఎం. మధ్యాహ్నం నుంచి సముద్రం ఇంకాస్త రఫ్‌గా మారవచ్చు. అత్యధిక ఉష్ణోగ్రతలు 39 నుంచి 44 వరకు వుండొచ్చు. సోమవారం అత్యధికంగా 42.1 డిగ్రీల సెల్సియస్‌ కల్బాలో నమోదయ్యింది.