కొత్త స్పోర్ట్స్‌ కార్‌ దుబాయ్‌ పోలీస్‌ పెట్రోల్‌ ఫ్లీట్‌లో చేరింది. లగ్జరీ ఇటాలియన్‌ ఆటోమేకర్‌ మసెరాటికి చెందిన ఐకానిక్‌ గ్రాన్‌టూరిస్మో కారు దుబాయ్‌ పోలీస్‌ పెట్రోలింగ్‌ ఫ్లీట్‌లో చేరినట్లు అధికారులు పేర్కొన్నారు. అతి తక్కువ సమయంలో అత్యంత వేగం సాధించడం మాత్రమే కాదు, అత్యద్భుతమైన డ్రైవింగ్‌ ఎక్స్‌పీరియన్స్‌ని అందిస్తుంది ఈ లగ్జరీ కారు. టూరిజం డెస్టినేషన్స్‌లో అత్యంత లగ్జరీ కార్లను పెట్రోలింగ్‌ ఫ్లీట్‌లో వినియోగించడం వెనుక వ్యూహాత్మక అభివృద్ధి వుందని మేజర్‌ జనరల్‌ అల్‌ మర్రి చెప్పారు. తాజా కారు చేరికతో మొత్తం 15 స్పోర్ట్స్‌ కార్స్‌ దుబాయ్‌ పోలీస్‌ పెట్రోలింగ్‌ ఫ్లీట్‌లో వున్నట్లయ్యింది.