అమీర్‌పేట టూ హైటెక్‌ సిటీ మెట్రో మార్గం మొత్తం క్లియర్ అయ్యింది. పెండింగ్ లో ఉన్న, కీలకమైన జూబ్లీహిల్స్ మెట్రో స్టేషన్ ను ప్రారంభించటానికి ముహూర్తం ఖరారు చేశారు. 2019, మే 18వ తేదీ శనివారం ఉదయం నుంచి సర్వీసులు ప్రారంభించనున్నారు. ఈ మార్గంలో మెట్రో సర్వీసులు మార్చి 20న ప్రారంభం అయ్యాయి.

మాదాపూర్, పెద్దమ్మతల్లి, జూబ్లీహిల్స్‌ చెక్‌పోస్టు మెట్రోస్టేషన్లలో సర్వీసులకు బ్రేక్ పడింది. విడతల వారీగా మొదట మాదాపూర్, ఆ తర్వాత పెద్దమ్మతల్లి స్టేషన్లను ప్రారంభించారు. మిగిలిన ఒకే ఒక్క జూబ్లీహిల్స్ స్టేషన్ ను మాత్రం మే 18, శనివారం నుంచి ఓపెన్ చేస్తున్నారు. ఈ స్టేషన్‌ ప్రారంభంతో నాగోల్‌ నుంచి హైటెక్‌ సిటీ మధ్యలో అన్ని స్టేషన్లు అందుబాటులోకి వచ్చినట్లే.
అమీర్ పేట టూ హైటెక్ సిటీ మధ్యలో స్టేషన్లు :

1. మధురానగర్

2. యూసఫ్ గూడ

3. జూబ్లీహిల్స్ రోడ్ నెంబర్-5

4. జూబ్లీహిల్స్ చెక్ పోస్టు

5. పెద్దమ్మతల్లి గుడి

6. మాదాపూర్

7. దుర్గంచెరువు

8. హైటెక్ సిటీ