మస్కట్‌: మినిస్ట్రీ ఆఫ్‌ మేన్‌ పవర్‌, మరో ఆరు నెలలపాటు వలసదారుల వీసా బ్యాన్‌ని పొడిగిస్తూ నిర్ణయం తీసుకుంది. ప్రైవేట్‌ సెక్టార్‌లో కొన్ని ఎంపిక చేసిన ఉద్యోగాలకుగాను వలస కార్మికులకు వీసాలు ఇచ్చే అవకాశం లేకుండా ఈ వీసా బ్యాన్‌ నిర్ణయం అమలు చేస్తున్నారు. సేల్స్‌ మార్కెటింగ్‌ ప్రొఫెషనల్స్‌, ప్రొక్యూర్‌మెంట్‌ రిప్రెజెంటేటివ్స్‌ వంటి ఉద్యోగాలూ ఇందులో వున్నాయి. మే 31 నుంచి మరో ఆరు నెలలపాటు ఈ వీసా బ్యాన్‌ అమల్లో వుంటుందని మినిస్ట్రీ స్పష్టం చేసింది. గతంలో మినిస్ట్రీ ఆఫ్‌ మేన్‌ పవర్‌ వీసా బ్యాన్‌ని కన్‌స్ట్రక్షన్‌ మరియు క్లీనింగ్‌ యాక్టివిటీస్‌కి సంబంధించిన కంపెనీలకు వీసా బ్యాన్‌ని వర్తింపజేసింది.