కువైట్‌ : మెడికల్‌ ఎర్రర్‌ కారణంగా పేషెంట్‌ 25 శాతం డిజేబిలిటీకి గురవడానికి కారణమైన వైద్యురాలికి మిస్‌డెమీనర్‌ కోర్ట్‌ ఏడాది జైలు శిక్ష విధించింది. డాక్టర్‌ నిర్లక్ష్యంతో బాధితురాలికి మళ్ళీ గర్భం దాల్చే అవకాశం లేకుండా పోయింది. బాధితురాలి తరఫు లాయర్‌ జాయెద్‌ అల్‌ ఖబ్బాజ్‌ మాట్లాడుతూ, 'సిజేరియన్‌ శస్త్ర చికిత్స సందర్భంగా డాక్టర్‌, ఇంటెస్టీన్‌ని కట్‌ చేసి, కోలన్‌లో కొంత భాగాన్ని తొలగించడం జరిగింది. ఈ సమస్యను డీల్‌ చేయడంలో అశ్రద్ధ వహించడంతో బాధితురాలికి తీవ్రమైన అనారోగ్య సమస్యలు తలెత్తాయి. ఆమె భవిష్యత్తులో గర్భం దాల్చే అవకాశం లేకుండా పోయింది' అని చెప్పారు.