సౌదీ అరేబియాలోని ప్రీమియమ్‌ రెసిడెన్సీ సెంటర్‌, తమ సేవలను ఆదివారం నుంచి ప్రారంభించింది. ఎలక్ట్రానిక్‌ విధానంలో అప్లికేషన్లను ప్రాసెసింగ్‌ చేయడం, ప్రీమియమ్‌ రెసిడెన్సీ సిస్టమ్‌ కోసం దరఖాస్తు చేసుకోవడం వంటివి ఈ కేంద్రంలో అందుబాటులో వుంటాయి. కింగ్‌ సల్మాన్‌ బిన్‌ అబ్దుల్‌అజీజ్‌ అల్‌ సౌద్‌ నాయకత్వంలోని కౌన్సిల్‌ ఆఫ్‌ మినిస్టర్స్‌ జారీ చేసిన డిక్రీకి అనుగుణంగా ఈ సేవల్ని ప్రారంభించారు. కాంప్రహెన్సివ్‌ ఎలక్ట్రానిక్‌ ప్లాట్‌ఫామ్‌ 'ఎస్‌ఎపిఆర్‌సి' ద్వారా ఎవరైతే సేవల్ని పొందాలనుకుంటున్నారో, వారికి ఈ కేంద్రంలో అన్ని సేవలూ లభిస్తాయి. రెండు రకాల ప్రీమియమ్‌ రెసిడెన్సీలను ఈ సెంటర్‌ అందిస్తుంది. పర్మనెంట్‌ ప్రీమియమ్‌ రెసిడెన్సీ - వన్‌ టైమ్‌ లైఫ్‌టైమ్‌ ఫీజు. టెంపరరీ ప్రీమియమ్‌ రెసిడెన్సీ - ఏడాది రుసుముకుగాను. సౌదీలో సెటిలైపోయి, తమ వ్యాపారాల్ని విస్తరించుకోవాలనుకునేవారికి ప్రీమియమ్‌ రెసిడెన్సీ ఉపకరిస్తుంది. ఈ సెంటర్‌ ఫైనాన్షియల్‌గా అడ్మినిస్ట్రేటివ్‌ పరంగా ఇండిపెండెంట్‌ ఎన్‌టైటీ - కౌన్సిల్‌ ఆఫ్‌ ఎకనమిక్‌ ఎఫైర్స్‌ అండ్‌ డెవలప్‌మెంట్‌తో అసోసియేట్‌ అయి వుంటుంది.