కువైట్ సిటీ: వాతావరణ పరిస్థితులు ప్రతికూలంగా వున్నందున సీ గోయర్స్‌ అప్రమత్తంగా వుండాలని అధికారులు హెచ్చరించారు. ఈ మేరకు కోస్ట్‌ గార్డ్‌ డిపార్ట్‌మెంట్‌కి అనుసంధానమై వున్న ఫైర్‌ ఫైటింగ్‌ డిపార్ట్‌మెంట్‌ స్పష్టమైన హెచ్చరికలు జారీ చేసింది. బోట్‌ ఓనర్స్‌, సిటిజన్స్‌, రెసిడెంట్స్‌ అలాగే సీ లవర్స్‌, సముద్రం అల్ల కల్లోలంగా వుంటుంది గనుక రిస్క్‌ తీసుకోకూడదని అధికారులు పేర్కొన్నారు. సముద్రంలోకి వెళ్ళేందుకు ఎవరూ సాహసించకూడదని అధికారులు స్పష్టం చేశారు. గాలుల వేగం గంటకు 50 కిలోమీటర్లుకు మించి వుంటుంది గనుక, కెరటాలు ఉధృతంగా వుంటాయి కాబట్టి.. సముద్రంలోకి వెళితే ప్రాణాలకు ప్రమాదమని అధికారులు పేర్కొన్నారు.