దుబాయ్‌: ఇండియన్‌ టూరిస్టులు, దుబాయ్‌ డ్యూటీ ఫ్రీ ఎయిర్‌ పోర్ట్స్‌ షాపింగ్‌ కోసం తమ వద్దనున్న ఇండియన్‌ రుపీస్‌ని కన్వర్ట్‌ చేసుకోవాల్సిన అవసరం లేదు. దుబాయ్‌ ఇంటర్నేషనల్‌ పోర్ట్‌ అలాగే అల్‌ మక్తౌమ్‌ ఎయిర్‌ పోర్ట్‌కి చెందిన మూడు టెర్మినల్స్‌లో ఇండియన్‌ రుపీ చెల్లుబాటయ్యేలా అవకాశం కల్పిస్తున్నారు. 'ఇండియన్‌ రుపీని స్వీకరించడం ప్రారంభించాం' అని దుబాయ్‌ డ్యూటీ ఫ్రీ స్టాఫ్‌ వెల్లడించారు. గత ఏడాదిలో 90 మిలియన్‌ ప్రయాణీకులు దుబాయ్‌ ఎయిర్‌పోర్టుల ద్వారా ప్రయాణించగా, అందులో 12.2 మిలియన్‌ మంది భారతీయులే. ముంబై, ఢిల్లీ మరియు కొచ్చిన్‌ నుంచి ఎక్కువగా వస్తున్నట్లు అధికారులు తెలిపారు. గతంలో ఇండియన్‌ ట్రావెలర్స్‌, తమ రూపాయల్ని డాలర్‌, దిర్హామ్‌ లేదా యూరోలకు మార్చుకునేవారు. ఆ తర్వాతే వారు దుబాయ్‌ డ్యూటీ ఫ్రీ షాప్స్‌లో షాపింగ్‌ చేయడానికి వీలయ్యేది. కానీ, ఇకపై ఆ సమస్య వుండదు. ఈ తాజా నిర్ణయంతో దుబాయ్‌ డ్యూటీ ఫ్రీ వద్ద యాక్సెప్ట్‌ చేస్తున్న 16వ కరెన్సీగా ఇండియన్‌ రుపీ రికార్డులకెక్కింది.