అబుదాబీకి చెందిన ఇండియన్‌ టెకీ, హైద్రాబాద్‌లో హత్యకు గురయ్యాడు. హోటల్‌ రూమ్‌లో టెకీ శ్రీకాంత్‌రెడ్డిని హత్య చేశాడు అతని సహచరుడు నరేష్‌. శ్రీకాంత్‌రెడ్డికి నరేష్‌ బాయ్‌ఫ్రెండ్‌ అని పోలీసులు చెబుతున్నారు. గుంటూరుకి చెందిన శ్రీకాంత్‌రెడ్డికి ఇటీవల పెళ్ళి కుదరడంతో ఆ విషయమై శ్రీకాంత్‌ రెడ్డి, నరేష్‌ల మధ్య తీవ్ర వాగ్యుద్ధం జరిగి, చివరికి హత్యకు దారి తీసినట్లు వెల్లడించారు పోలీసులు. హత్యకు ముందస్తు ప్రణాళికతోనే హోటల్‌కి నరేష్‌ వచ్చాడనీ, ఈ క్రమంలో తన వెంట కత్తిని తెచ్చుకున్నాడనీ విచారణలో నిందితుడి నుంచి సమాచారాన్ని రాబట్టారు హైద్రాబాద్‌ పోలీసులు. హత్య తర్వాత నిందితుడు ఆత్మహత్యాయత్నం చేశాడు. అయితే, స్వల్ప గాయం కావడంతో నిందితుడికి వైద్య చికిత్స అందించిన పోలీసులు, అతన్ని అదుపులోకి తీసుకుని విచారిస్తున్నారు.