దోహా: ఖతార్‌లో నివసిస్తోన్న ఓ వలసదారుడు ప్రతిష్టాత్మక వైల్డ్‌ లైఫ్‌ ఫొటోగ్రఫీ కాంపిటీషన్‌లో విజేతగా నిలిచారు. కెన్యాలో ఈ పోటీలు జరిగాయి. మసైమరా వైల్డ్‌ లైఫ్‌ ఫొటోగ్రఫీ ఛాలెంజ్‌ 2019లో 22 మంది వైల్డ్‌ లైఫ్‌ ఫొటోగ్రాఫర్స్‌ పాల్గొన్నారు. మసైమారాలో వారం రోజులపాటు ఈ పోటీలు జరిగాయి. నాలుగు రోజులపాటు వారిని సఫారీలోకి తీసుకెళ్ళారు. వైల్డ్‌ యానిమల్స్‌ని తమ కెమెరాల్లో వైల్డ్‌ లైఫ్‌ ఫొటోగ్రాఫర్స్‌ బంధించారు. కాగా, ఈ కాంపిటీషన్‌లో ఇండియాలోని కేరళకు చెందిన షాజి పానికర్‌ రెండు బహుమతుల్ని గెల్చుకున్నారు. తొలి పోటీల్లోనే తాను విజేతగా నిలవడం ఆనందంగా వుందని షాజి చెప్పారు. వృత్తి రీత్యా ఇంజనీర్‌ అయిన షాజికి వైల్డ్‌ లైఫ్‌ ఫొటోగ్రఫీ ఓ హాబీ.