యూఏఈలో పెట్రోల్‌ ధరల్ని సవరించారు. ఆగస్ట్‌ నెల కోసం ఈ సవరించిన ధరలు వర్తిస్తాయి. పెట్రోల్‌ ధరలు ఆగస్ట్‌లో పెరగనున్నాయి. సూపర్‌ 98 పెట్రోల్‌ ధర లీటరుకు 2.37 దిర్హామ్‌లకు చేరుకుంటుంది. జులైలో ఈ ధర 2.30 దిర్హామ్‌లుగా వుంది. స్పెషల్‌ 95 పెట్రోల్‌ ధర 2.26 దిర్హామ్‌లుగా వుంటుంది. జులైలో ఈ ధర 2.18 దిర్హామ్‌లు మాత్రమే. మరోపక్క డీజిల్‌ ధర కూడా పెరిగింది. జులైలో 2.35 దిర్హామ్‌లుగా లీటర్‌ డీజిల్‌ ధర వుంటే, ఆగస్ట్‌లో ఈ ధర 2.42 దిర్హామ్‌లకు చేరుకుంటుంది. అంతర్జాతీయ మార్కెట్‌ పరిస్థితులకు అనుగుణంగా ధరల్లో మార్పులు చోటు చేసుకుంటున్నాయి.