యూఏఈలో 13 ఏళ్ళ బాలిక బలవన్మరణానికి పాల్పడింది. మృతురాల్ని గల్ఫ్‌ జాతీయురాలిగా గుర్తించారు. షార్జాలోని అల్‌ రమ్తా ఏరియాలోని తన ఇంట్లో బాలిక ఆత్మహత్య చేసుకున్నట్లు పోలీసులు వెల్లడించారు. ఆసుపత్రిలో వైద్య చికిత్స పొందుతూ ఆమె మరణించింది. బాలికను రక్షించేందుకు చాలా శ్రమించామనీ, ప్రయోజనం లేకుండా పోయిందని తెలిపారు వైద్యులు. బ్లాక్‌ స్కార్ఫ్‌ని మెడకు చుట్టుకుని, బాలిక ఆత్మహత్యకు పాల్పడినట్లు తెలిపారు పోలీసులు. బాలిక ఆత్మహత్య చేసుకున్న విషయాన్ని తొలుత కనుగొన్న కుటుంబ సభ్యులు హుటాహుటిన ఆమెను ఆసుపత్రికి తరలించగా, అక్కడ వైద్య చికిత్స పొందుతూ తుది శ్వాస విడిచిందామె. మృతదేహంపై వేరే ఎలాంటి గాయాలూ లేవని వైద్యులు పేర్కొన్నారు.