2020 సెప్టెంబర్‌లో 8 కొత్త స్కూల్స్‌ దుబాయ్‌లో ప్రారంభం కానున్నాయి. నాలెడ్జ్‌ అండ్‌ హ్యూమన్‌ డెవలప్‌మెంట్‌ అథారిటీ (KHDA) ఈ వివరాల్ని వెల్లడించింది. ఈ స్కూళ్ళలో 13,000 మందికిపైగా విద్యార్థులకు చోటు లభిస్తుందని అధికారులు వివరించారు. కెహెచ్‌డిఎ పర్మిట్స్‌ అండ్‌ కాంప్లియన్స్‌ సిఇఓ మొహమ్మద్‌ దార్విష్‌ మాట్లాడుతూ కొత్త స్కూళ్ళ ప్రారంబంతో దుబాయ్‌ ప్రైవేట్‌ ఎడ్యుకేషన్‌ సెక్టార్‌ మరింత బలోపేతమవుతుందని చెప్పారు. ఈ ఏడాది ప్రారంభమవుతున్న స్కూల్స్‌ అల్‌ త్వార్‌ 2, అల్‌ కుసైస్‌, జుమైరా విలేజ్‌ ట్రయాంగిల్‌, అల్‌ కోజ్‌ మరియు జబెల్‌ అలి తదితర ప్రాంతాల్లో వున్నాయి. 2008లో 38గా వున్న స్కూళ్ళ సంఖ్య ఇప్పుడు 119కి పెరిగిందని దార్వష్‌ వివరించారు. గత మూడేళ్ళలో కొత్తగా 41 స్కూల్స్‌ ప్రారంభమయ్యాయి.