దుబాయ్‌కి చెందిన ఎమిరేట్స్‌ నిర్వహిస్తోన్న ఎ380 విమానం ఎయిర్‌పోర్ట్‌ హ్యాంగర్‌ వద్ద స్వల్ప ప్రమాదానికి గురయ్యింది. రొటీన్‌ చెక్‌లో భాగంగా చేపడుతున్న కార్యక్రమాల సందర్భంగా ఈ ఘటన చోటు చేసుకుంది. అయితే ఈ ఘటనలో ఎవరికీ ఎలాంటి గాయాలూ కాలేదు. ఈ ఘటన ఎలా జరిగిందన్నదానిపై విచారణ జరుగుతోందని అధికారులు పేర్కొన్నారు. ఇంజనీరింగ్‌ టీమ్‌ రెగ్యులర్‌ చెక్‌ నిర్వహిస్తున్న సమయంలో ప్రమాదం జరిగినట్లు ఎమిరేట్స్‌ అధికార ప్రతినిథి చెప్పారు. హైడ్రాలిక్‌ జాక్స్‌ జారడంతో ఏరోప్లేన్‌ నోజ్‌ అలాగే రాడోమ్‌కి స్వల్పంగా నష్టం జరిగినట్లు తెలుస్తోంది.