సేఫ్టీ రిలేటెడ్‌ కారణాలతో యాపిల్‌ మ్యాక్‌ ప్రో ల్యాప్‌ట్యాప్‌ కంప్యూటర్లను నిషేధిస్తున్నట్లు ఎతిహాద్‌ ఎయిర్‌వేస్‌ పేర్కొంది. చెక్‌డ్‌ లగేజెస్‌లో వీటిని నిషేధిస్తున్నామని ఎయిర్‌లైన్‌ అధికార ప్రతినిథి పేర్కొన్నారు. నిషేధం వున్నా, మ్యాక్‌ బుక్‌ ప్రో ల్యాప్‌టాప్‌లను విమానంలో తీసుకెళ్ళవచ్చనీ, అయితే ఇది కేవలం క్యాబిన్‌ బ్యాగేజ్‌కి మాత్రమే వీలవుతుందని, ఎట్టి పరిస్థితుల్లోనూ ల్యాప్‌టాప్‌లను ఆన్‌ చేయరాదనీ, చార్జింగ్‌ అస్సలు పెట్టకూడదని ఎతిహాద్‌ ప్రతినిథులు వివరించారు. కాగా, మ్యాక్‌బుక్‌ ప్రో ల్యాప్‌టాప్‌ల బల్క్‌ షిప్‌మెంట్‌ని కూడా ఎతిహాద్‌ కార్గో రద్దు చేసింది. ఇప్పటికే భద్రతా కారణాల రీత్యా పలు ఎయిర్‌లైన్స్‌లు ఈ ల్యాప్‌టాప్‌ని బ్యాన్‌ చేయడం జరిగింది.