అజ్మన్‌ మునిసిపాలిటీ, ముహర్రమ్‌ 1 (ఆగస్ట్‌ 31) సందర్భంగా ఎమిరేట్‌లో ఉచిత పార్కింగ్‌ని ప్రకటించింది. సెప్టెంబర్‌ 2 నుంచి తిరిగి పార్కింగ్‌ ఛార్జీలు కొనసాగుతాయని అధికారులు వెల్లడించారు. కాగా, దుబాయ్‌ రోడ్స్‌ అండ్‌ ట్రాన్స్‌పోర్ట్‌ అథారిటీ, ఈ నెల 28వ తేదీనే, హిజ్రి సెలవు నేపథ్యంలో ఫ్రీ పార్కింగ్‌ సౌకర్యం కల్పిస్తున్నట్లు ప్రకటించిన విషయం విదితమే. షార్జా మునిసిపాలిటీ కూడా హిజ్రి న్యూ ఇయర్‌ సెలవు సందర్భంగా ఉచిత పార్కింగ్‌ని ప్రకటించింది. అబుదాబీ సైతం ఇదే బాటలో ఉచిత పార్కింగ్‌ సౌకర్యాన్ని హిజ్రి న్యూ ఇయర్‌ సెలవు నేపథ్యంలో అందుబాటులోకి తెచ్చింది.