మస్కట్‌: డ్రగ్స్‌ అమ్మకం కేసులో ఇద్దరు అరెస్ట్‌ అయ్యారు. సౌత్‌ బతినాలో ఈ అరెస్టులు జరిగినట్లు రాయల్‌ ఒమన్‌ పోలీస్‌ పేర్కొంది. డ్రగ్‌ కంబాటింగ్‌ డిపార్ట్‌మెంట్‌ - సౌత్‌ బతినా పోలీస్‌, ఇద్దరు వ్యక్తుల్ని డ్రగ్స్‌ అమ్మకం కేసులో అరెస్ట్‌ చేశారని రాయల్‌ ఒమన్‌ పోలీస్‌ ఓ ప్రకటనలో వివరించింది. అరెస్ట్‌ అయిన నిందితులు ఆసియా జాతీయులు. వారి నుంచి డ్రగ్స్‌ని స్వాధీనం చేసుకున్నారు. డ్రగ్స్‌ని సేవించడం, వాటిని విక్రయించడం చేస్తున్నట్లు నిందితులపై అభియోగాలు మోపబడ్డాయి. నిందితులపై చట్టపరమైన చర్యల నిమిత్తం సంబంధిత అధికారులకి రిఫర్‌ చేసినట్లు రాయల్‌ ఒమన్‌ పోలీస్‌ తెలిపింది.